عمل العيش المصرى بالتفاصيل والصور رائع

عمل العيش المصرى بالتفاصيل والصور رائع...الخبز المصرى..طريقة عمل العيش البلدى
ال4 كيلو دقيق يكفى لعمل تقريبا 70 رغيف من العيش 
المقادير: 4 كيلو دقيق 
2 معلقة كبيرة خميرة فورية 
مية دافية للعجن
معلقة كبيرة ملح

الطريقة :
1- نضيف الخميرة الفوريه والملح للدقيق .
2- نجمع الدقيق فى جنب من الاناء ونضع فى الجانب الفارغ الماء الدافئ 
ونقلب الدقيق مع الماء ونقوم بالعجن مع ملاحظة اضافة الماء ببطء حتى نحصل على عجينه متماسكة.


3- نستمر بالعجن حتى تتجمع العجينه على بعضها  كما بالصوره 
ثم نغطيها  ونتركها تقريبا من ساعة ونصف لساعتين حتى تخمر جيدا وترتفع.


هنا ارتفعت العجينه بعد ما تخمرت جيدا
4- نبتدىنقطع من العجينه ونعمل اقراص على حسب الحجم الذى نريده
واحنا بقطع العجين قرص يستحسن لو نكون مغطيين العجين بقماش حتى لا ينشف وجه العجينه .

 5- وناخد من الجانب وليس من المنتصف قطع صغيره من العجين لعمل القرص .
ونحاول ما نعجنش فيها كتير واحنا بنقرص علشان كدا هيضيع الخمر بتاعها وهتكون صاعبة فى الفرد.
هنا انا قرصتة قرص صغيرة مش كبيرة قوى (الحجم حسب ما تريديه)

6 - نبتدى بقى نفرد القرصة ونبططها للسمك الذى نريده على مكان مستوى(ممكن تستخدمى لفرد العجينه ماكينة الشعريه) .

  بعد الفرد و يتم رصة على قطع من القماش , افرد القماشة على صينية كبيرة وارص عليها العيش,

 وعندما  تملى نعمل عليها دور تانى من القماش ونرص علية باقى العيش وهكذا لحد ما اخلص كل الكمية او اعمل تقريبا من 5 الى 6 ادوار على بعضة كما بالصورة.

و بفوطة مبلوله امشيها على وش الرغيف قبل مايدخل الفرن مكان الدقبق حتى لا يجير.

دلوقتى بقى السوا انا بسوى فى فرن الخبيز الغاز وليس البوتاجاز.
طبعا بيدى نتيجة احسن واسرع
 7- ولعى الفرن وهدى النار تحت وزوديها شوية من فوق .
فنجعل النار من تحت  هادية حتى لا تحرق العيش,وتكون تقريبا شديده  من فوق  حتى  يقب ويحمر العيش على طول من غير ما ينشف.

لانك بتحتاجى نار خفيفة تحت واشد شوية من فوق
وسرعة كمان علشان ما ينشفش فى الفرن.

 اختبرى حرارة الفرن  برغيف واحد  ظبطى بة النار  ثم اكملى باقى العيش .

ولو حسيتى ان الفرن سخن من تحت  دائما اجعلى بجوارك قماشة مبلولة ماء امسحى بيها الفرن  هتهدى الحرارة وتنظف اى شى ويطلع العيش نظيف.

ملحوظة:
لو السواء فى البوتوجاز العادى نضع الخبز فى ارضية الفرن من تحت مباشرة على النار  ونهدى النار خالص تحت حتى لا نحرق العيش , ويستحسن لو يكون فرنك بيولع الشواية مع الفرن تولعى تحت وفوق . وان لم يكن لديكى هذه الميزه سوف تضطرى ان تقلبى العيش على الناحية التانية حتى  السواء.
 لكن فى فرن الخبيز بيستووا الناحيتين مع بعض فبيكون اسرع
وفى الشكل احسن وكمان ما بينشفش .



دا العيش بعد ما خرج من الفرن
اية رائيكم

ملحوظه:
 بعد مايخرج من الفرن مباشرة نغطى العيش حتى لا ينشف.






نضع الخبز فى اكياس ونضعه فى الفريزر لوقت الاستخدام .



منقول